EMBERA KATIO



Day- Emberambara ídira, bá-wawáne undukabaseabú karéta-iyí kapunia bedeadera Consejo de Estado-ra.
Kamára nruema-zá jurúseabú anyí-krinchata, anyírákaréóbúta, anyírakaré bedea-biata ozidata, man aura dayirambida undudayí anyíra záwá trunseabúta.

Abárika dayirambída kabadayí anyira-kaipe, anyírá záwa oíbará karé oíbaráta, man-aúrabida kabadayí anyíra zama-aí Uranga yibáribera

Nan éjua-zromanéra Nokorá kirábionumua, mamína, Consejo de Estadobara iyidoba-júrebúa Nokoráta umbea:

Man umbeadeba ába-trunsidá Kapunia bedeadera, Corte Constitucional, Kambára gíba-wagabarí krincha-biata kiduatorró wizuakarénata;
Ababemára trunzidá Corte Suprema de Justicia, kambára akubarí warinú krincha-biata aríppe ozídata;
Edarabemára trunsidá Consejo de Estadota, nambára bedeabiata unme erchubúa:

  1. Yi-ábara, dayíráNokónambéma iyi warrana-ená kawadaembidábúru santaiyí yi-óta, kaimokára-kiaímbará dayirá zórara-kiambáda-kéra.
  2. Yi-unméra, Consejo de Estadobara bi-ía akuibará warínú wabemárá noko-zaqueráta aríppé obarabú anyí-karé-oíbaráta. kaínrántaiyí wabemanokozaqueráta? mámaédachubua korogóráráta, dayira-trú bubárita, edeóra kírábiónumú máma-édara.
  • slide
  • slide
  • slide
  • slide

Consejo de Estado-bára zézónakéra kinguiabarí wabemará Noko-zákeráta nan éjuanezromane kedétá

Consejo de Estado-bára zárraráta méjacha-abú, kapunia-juachábedeadera 31 asidá, anyírájoumá-ambá krincha-biata jurúbárí, kamaúmba kímáréramba dayírá Nokónambéma, iyi warrana-ená krincha-bíata karébajarádiabú;
Wabemárá zárráraba anyíráímnu kinguiabarí kirempá odaembúru karé-oíbaráta.

Dayirambára wabemára torbúrábábara bedeamitíata undudára, dayírambá Consejo de Estado-ára úríbi-íbará kiduatorróde wizuakaráppé, zankiduatorrode? kapunia-ba trunsidá anyí bedeadera Acción de Tutela, edeórabidachubua, mánra trúnsidá Acción Popular o de Grupo, man-aúrabída edeorachubua kapunia-bedeadera trúnsidá Demanda-ta.

Dayiramba kawadaembúru manbedeara-karéta? o zawa wizuaíbaráta? maínta-bidabú aurú-Nokozaketá, nan-Nokozáketrúrá kapunia bedeadera Defensoría del Pueblo azidá, nambida chubukaréná dayírákarebaita.

Consejo de Estadó-bára warínu dayírá karébaita-bu mamína, iyídobára joúmáurá obé-é, maínta chubúkaréná aúru Nokozakerata karébamarea

Consejo de Estado-bára bugádrubúruá Emberá-poúrú-zá dayirá -druata bi-ía erpanámarea, anyíkrinchaítára dayírá éjuara yí-biabidá. Káréa? dayíra zézónarákrincháta Kámaéda chubera, káma tozidábera, káma warízidábera, man kakéa kapuniakrinchadera anyísidá méjácha wágakíránumú dayírá éjúata.

Man-aúra edeora krinchata edabutabedá, santaiyímánra? Kapuniáta dayirá éjúaeda zéinéna, náa-bedeaibará dayira Nokobabara, úríbigadamarea karema zékíráta; karéa oibará manbedeara? nan éjúara Emberánebera.

Consejo de Estadobara anyísidá akubarí dayirá Nokóráta záwá wabema kapuniababara drua kuranzanebuta, warinuká dayíramba káma trugádara.

Kapunia-torbúrábabara bedea kayiru ó-erbarábúburu, buabidá jarasechubua Consejo de Estadoá kamba karebamarea.
Mawára dayírambára bá-wáwáne jurúseabú anyíkríncha-zrómata, máma-eda unduyí bua karéta kawakíráta.

CRÉDITOS TEXTO
Jaiyariby James Yarlynson Jarupia Domicó, Nokó (Cacique) del pueblo Embera Katio del Alto Sinú, Abogado
CRÉDITOS AUDIO
aiyariby James Yarlynson Jarupia Domicó, Nokó (Cacique) del pueblo Embera Katio del Alto Sinú, Abogado
CRÉDITOS FOTOS
USAID-Colombia