INGA



Consejo de Estado saludakumi kai página web kawagkunata, kaipi tarinkangichimi nukanchi ima ruranakugta, nukanchi suma iuiaskakunata kamkunapas iachaikungapa.

Nukanchi munanchi iachaichi kamkuna pita kagta, imasataka ruranchi nukanchipa ruraikuna, chasallatata nukanchi maipita kagta atun justicia niskapi.

Colombia llagtapi tiami kimsa atun justicia niska:

Corte constitucional kawami allilla rikuchu achka iachag pangata, corte suprema de justicia kawami ima ruraikunata, kulkimanda, nukanchipa kaugsaita kachukuna imasami iachag pangapi nikugsina ikuti Consejo de Estado iukami iskai atun ruraikuna.

  1. Atun llagtamanda kawagta iuiachii chasallatata ministrupura tapuii iukagpikuna ainingapa imasami iachag pangakunapi kilkaskasina.
  2. Kawakungapa imasami chisianaku puntu llagtakunapi kawagkuna, Policía, Ejército, Corporaciones Autónomas Regionales, Registraduria Nacional del Estado Civilpas.
  • slide
  • slide

Consejo de Estado ailastimachi tukui atun llagtapi kawanakuskata ima pandariskamanda.
Consejo de Estado iukami kimsa chunga sug magistradukuna kaimanda chuskukuna kankunami kai atun llagtamanda kawagta iuiachig, iskai chunga kanchis magistradukuna kawankunami sukunata ima ruraskata.

Consejo de Estado kami llakichiikunata allichichispa kangapa, maikan runa llakichii iukagpi pai munagpi, iuka demanda churanga, accion de tutela, populares o de grupo, kai imasutiangapa iuka maki kuanga Defensoria del pueblo.

Kai consejo de estado kami tukuita maki kuangapa chasallatata willami imakunataka allichichingapa kagta, mana paikuna iachagpi kachankunami sug jueskunapagma.

Kai Consejo de Estado timpu rimaska iuka nukanchipa alpakunamanda, achala taitakuna nukanchita ñugpamandata sakiskamanda kaikunata micharingapa, chimanda kachamuska ka NUKANCHITA TAPUII rurarichu imakuna rurangaura nukanchipa alpapi kawagkunawa, chasallatata kawami imasataka nukanchimanda rimagkuna chaiagrinkuna Congreso de la Republica sutima, sug imasutikunapas.

Allikami kampas ima llakiiwa iukaspa maikan uchulla llagtakunapi kawagwa Cosejo de Estaduma chaiagringa, kai Jurisprudencia allikami kawanga internetpi paikuna kawangakunami tapuita u llakichiita allichipungapa.

CRÉDITOS TEXTO
Maira Alejandra Jacanamijoy Enríquez y Taita Simon Puerchambud.
CRÉDITOS AUDIO
Taita Simon Puerchambud.
CRÉDITOS FOTOS
USAID-Colombia