~PAMIE



Mahare Consejo Estado kavu yore ne iha~ravuare kaiye kuvaede ne tu~oinoi k+~rore web amikurore, mearo edahara aᵭama, yui maha, ne boroteiyede~, ne aiyede, ne memeiyede, ne kohini heiye bakede aru ~arope die kaiyede voi~ye ha~uri ari kuro kuvu.

Kedareka, muhare muhe mahikiyepe koyi~uv+~, yenama ñuha, aropeta memeini ñuha nuhe memeiyede ara~hivu aivu aru die henebomika iharavuare korikavu ame~teiyede, mena poeva numene, memenahivu kuinayahubope kuma namare, aru di yahuvoi arita ñuha kuri ari koy~ivu.

Iharavuare yo ho~bo~ro~re Colombia amikurore kuina yahubo mena numene, ame~teiyede, mearo nukiyepe kuede, hue avede hipoteipoeva kuma,, diye teiyede mea~darahivu, di yahubo kuina yahubo vakari yobekuri yahuhibotamu pare parurivu.

Kuma, Corte Costitucional mahe yopeta kura~hivu, yopeta aiye ha~uvu ari toevaiyokare Costitución Política amikuri tukubore ha~ri Kapuipo~eva, Corte Suprema Justicia Ha~dama po~eva ne aiyede, apevuke híní bohedaiyede aru kainora kuede, die kaiye iharavuare yopeta kiyehauvu aiyede hueakiyepe, aru Consejo de estado kavu, henebomika pukaro bahure pare memedama:

  1. Iharavuare mahe ho~bo~rore koheipoekure (Presidente) aru u~ke meipoevare (Ministros) mahikari, coyuyama mahe mearo kukiyepe toevaiyede bakede kuede.
  2. Hadama na, kari haravuare koheipoeva, hipokateipoeva, churarava, toidivu, Corporaciones autónomas amikuroa, mahare aipivu bahuba maha, mahe papera dokare aipo~eva, aru ape yahuboa, namare diye kaiye yopeta mearo kukiyepe toevaiye vakede ne hu~e akiyepe.
  • slide

Ina Consejo Estado kavu tamu iharavuare koheipo~eva, hipokateipo~evare hu~e aidi na aiye mahidivu.

Iyahubo Consejo de estado kavu, 31 bahuvu na, nare adama magistrados, aru mahe haiyede di yahubore 4 paivu bahu iharavuare mahe ho~bo~rore koheipoe~kure aru u~ke memeivure natamu mahikari koyiuvu, apevu 27 bahu u~re aru u~ke meivure hu~edi ari haipo~evamu

Iyahubo Consejo Estado kavu me numene, me tebede meatekiyepe, poeva ne kuvaede, keheipoeva ne kuvaede mamarumu diyede toevari nuvaiye hauvu, diede adama ñaradaviva demanda, tutela, kuinapoekupe o kunayahubope ariburu meavu, diyede aiyede mahare kateiyema mahima defensoría Pueblo kavu.

Ina Consejo estado kavu, mahare kaivu po~evare kateiye mahima, umeita adede meini na ari haiuye hauvu nare vorahi o apevure katehara arahivu.

Iyahubo Consejo Estado Kavu hava kohini, boroteni memekemavu pamiyahuboa, apebukuva ne ho~bo~roare me~arahivu, hekurahivu, hakoturahivu, mahe ho~boroare mahe havemika kuritaveare. Memekemavu mahare pamivare, apebukuvare apehie mahe kurore arahivu mahare heniari harakiyepe, mahe hekiyepe, mahare kaivuke, mahare hipokateipovake yavarahiepe. Hakemavu aropeta hekemari mahe heimaramakavu ne congresoi edarahiyepe ari, aru ape ne haiye vake kuvu.

Mu nuiye mahivu Consejo Estadoi, heniari hai uku varu, o iharavuare koheipoevake me numema aiku varu, aru ina aiye kuvu kaivu mahe harahiyepe aru inake yavaiku varu na mahake kainumua yabaiye mahivu, heni koyuraharama mahare.

CRÉDITOS TEXTO
Má~piko~r+~ B+k+~k+ (Jhon Arango)
CRÉDITOS AUDIO
Má~piko~r+~ B+k+~k+ (Jhon Arango)
CRÉDITOS FOTOS
USAID-Colombia