SIKUANI



Consejo de estado nakabajakobiaya kopiapita pija bajuto web jawata jota kajitajarrabianame pakuenia taejitsiatsi jua arrapamonea nakuenabi penamatsi liwaisianu dajitanejatsi.

Arrapakuenia pajitsipaji paneyapitaejawa papamonaeni pakuenia paejananajetarrubenaji pata nakuenebikuene, Itsajota pakuenia nubenatsi estructural general de la justicia jawata.

Colombia jaina tres poder judicial akueyabi penamataka nakuenebi liwaisibeje:

Corte constitucional jua jai arrajota arrapamonae yajiwitane constitucion política, corte suprema de justicia eweta pakuenia ejana jetarrubena pena nekuemetsiyaniwa arrajota jaina anija kuene ayailiwaisibeje:

  1. Pemujujiobineju Presidente; ministro monaeata jua apo yapitae ley liwaisi.

 

  1. Petaeneja gobierno pijajiwi pakueneta piliciamonae, ejercito monae, registraduria civil monae dajita organización monae, janiwaitsia nakuenaba wanapa pa liwaisi eweta.
  • slide
  • slide
  • slide
  • slide
  • slide
  • slide
  • slide

Consejo de estado raja penekoitsiwi pamonae ewete gobierno liwaisi arrajua ejana.

Consejo de estado 31 pa magistrado beje jaina – 4 pa magistrado beje presidente  pija consejero monae, itsa 27 magistrado, pajiwibeje jaina petaeneja pamonae pebisikuene ejana.

Consejo de estado peyawenonaeneja pa jiwi nanekoita, pe ejenaneja demanda tutela ata pe jumeta nejatsi pija liwaisi, itsa apo yapitae defensoria del pueblo monae ata peyawenoneja kuene kajipatsi tomarra ewetsi arrajua ejana

Consejo de estado raja jaina peyawenonae monae pa liwaisi kuene kajipatsi, itsa liwaisi baja jueces pe itorrobawi monae.

Consejo de estado na liwaisi itajitabiaba peyawenonaeneja sikuani pija irra – pija nakua pe ewetsi neja, pe itorrobiwi consulta previa penaliwaisi jumetaeneja comunidad pija representantenu, waja capitán – Gobernador de cabildo, pe taeneja ata pa kuenia pitsapa biaba waja congesistanu itsa liwaisimonae urrijubia pe taemonae.

Jamu ata raja kakuene kajipa ne yaijobijawa itsa jainame  pa liwaisi arrapamonae naka to kaena, arra pa liwaisi raja rubena internet pija bajuto jawata, jota rubena arrajuani jamatabi yapitanemu pa liwasi arrapamonane nakuenabi.

CRÉDITOS TEXTO
Juan Camilo Gallardo Pónare, indígena del Pueblo Sikuani, Resguardo Muco Guarrojo - Comunidad Corozal, Municipio de Cumaribo, Vichada.
CRÉDITOS AUDIO
Juan Camilo Gallardo Pónare, indígena del Pueblo Sikuani, Resguardo Muco Guarrojo - Comunidad Corozal, Municipio de Cumaribo, Vichada.
CRÉDITOS FOTOS
Blademiro García, Resguardo Muco Guarrojo, Comunidad Altamira.