Süshajiria sünülia noumain na wayuu kepiakana sa'aka alijuna


NÚMERO DEL PROCESO: 76001-23-33-000-2019-00819-01
TIPO DE DECISIÓN: Tutela
FECHA DE LA DECISIÓN: cinco (5) de marzo de 2020
DEMANDANTE: Cabildo MISAK UN PACHIK CHAK
DEMANDADO: Ministerio del Interior- Dirección de Asuntos Indígenas, Rrom y minorías.
MAGISTRADO PONENTE: LUIS ALBERTO ÁLVAREZ PARRA

SÜPÜLA JÜLÜJAA A'IN SÜNAIJE TÜ AASHAJA'ALAKAT:

 

Tu oloiriakat sukuaipa kasachiki sulu'u tü mma müleusukat (Consejo de Estado) münakat, aapüsü polo'o ka'i sümüin tü shikipuujana nakuiapa na wayuukana, Rom y Minorías sulu'uje tü Ministerio del interior münakat, süpüla nasaitajatüin  süchirua sukuaipa tu noumainkat na wayuu Misak Nu Pachik Chak munakana, wayuukana na sülatirüin Jarai Shiki (50) juya sünain kepia sulu'u tü mmakat, Cali (Valle) münakat, shiire nashajitnüin sulu'u tü karalouta sünüliamajatükat mma jee shipiapa wayuu sulu'u Colonpia (censo).

 

Tü, akuiapa aashanakat achiki anoutünüsü sukuaipa sutuma tü TRIBUNAL ADMINISTRATIVO DEL VALLE, münakat eere  suneekünüin sainmajünüin sujutpala makuaipa na wayuu, MISAK NU PACHIK CHAK, suka sülatüipain suulia Jarai (5) juya süchirua nachuntuin sümüin tü shikiipujanakat jee aloiriakat nakuipa na wayuukana (Dirección de Asuntos Indígenas, Rrom y Minorías) münakat su'upala tü Ministerio del Interior süpüla nashajitnüinjanain sulu'u  tü karalouta sünüliamajatükat mma jee shipiapa a wayuu sulu'u Colonpia (censo),  tü anüü nnojolüin asoutünüin amüin  tü nachunajalakat, sukaje tía, tü Oloiriakat sukuaipa kasachiki sulu'u tü mma müleusukat (Consejo de Estado) münakat, saapüin polo'o jaralimüin ka'i (15, días) süpüla nakumajüin jee nanoutüin sukuaipa otta nekerajüin supushua tu cheojaakat süpüla nashajitnüin  süchirua tü nachunajalakat süma süsaitünüin achirua tü mmapaakat sukaje tü Estudio Etnológico, münakat.

 

Süchikeje achajawa sukuaipa anouta tü alatakat sukaje tü Oloiriakat sukuaipa kasachiki sulu'u tü mma müleusukat (Consejo de Estado) münakat, tü Ministerio münakat, shiiyatüin  sukaje karalouta jamüin nnojotka süpüla saijünüin jee süsaitünüin achirua tü mmapaakat sukaje tü Estudio Etnológico, münakat, otta tü waneirua achuntunakat süpüla nashajitnüinjanain na wayuukana, sükaje nnojolüin wane karalouta jee putchi süpüla akuiapa makatkaa tü sa'uje kepian na wayuukana shipiapa alijuna (áreas urbanas). Süpüla anaijatüin sukuaipa. Pansaasü naküjala süchirua tía suma cheujain wanawainajatüin na'in na wayuukana nama na wayuu aikalakana süpüla akuiapa makatkaa tía naakapüna na wayuukana napushua (Mesa Permanente de Concertación con los pueblos y Organizaciones Indígenas) mümakana, suka nayaian ajapuluin pa'ala sukuaipa.

 

Tü ekiipujanakat  aapüsü wane juya (1 año) - so'ujeereya tü ka'i pansakat o'u tü  Plan Nacional de Desarrollo, münakat, aa, sümüin  sükaje   tü Ley piama shikii jaralimüin (25) no'u chii kashikai Mayo   otta tü juyakat 2019- süpüla nekerajüinjatüin sukuaipa tu karalouta cheujaakat süpüla nashajitnüinjanain na wayuukana, otta süma jülüjain nain tü süchajalakat tü akuaipakat süma netnajünüin maaka laülayuushi sa'u noumain jee müsia jülüjainjatüin na'in tü naluwatayakat na alijunakana sulu'u noumain (Autoridad Urbana) münakat.

 

 

SÜNÜIKI JEE SAASHAJALA SAIN TÜ OLOIRIAKAT SUKUAIPA KASACHIKÜ SULU'U TÜ MMA MÜLEUSÜKAT. (CONSEJO DE ESTADO):

 

Tü Oloiriakat sukuaipa kasachikü sulu'u tü mma müleusükat, (Consejo de Estado)   sulu'u wane nnata akuiapa  sukumajüin jee sünotüin tü akuaipakat sukaje nanuiki na laülayushikana sa'u nakuipa na alijunakana (apelación) süma lotüin sünüiki süchirua nakuipa na wayuukana kepiakana sa'aka tu alijunakalüirua (zona urbana) süpüla naimajünüinjanain akuiapa suulia  naleejünüin sutumajee wayuuin  naya jee nale'ejuushin süma neipijuushin pa'ala sulu'uje noumain,  saimajüinjanain naya  tü mma müleusükat (Estado). Müsüjese, kachiruain sain naimajünüinjanain a'in  jee kojutajanain naya süma netnajünüin sulu'u wayuuin waima akuaipachi naya sulu'u noumain, maaka nain na wayuu, Misak Nu Pachik Chak münakana.

 

Tü pütchi ekerajiakat sukuaipa tü aashanakat achiki, müsü:  nüpüla chi kaikai piama Shiki jaralimüin (25) nünainje kashi kanüliakai Mayo  otta chi juyakai 2020, eere shikerajüin tü sükaliakat ka'i apünakat pa'ala natuma na shikiipujanakat jee aloiriakat nakuipa na wayuukana (Dirección de Asuntos Indígenas, Rrom y Minorías) münakat, sulu'uje tü Ministerio del interior, acheküsü kottüin supushua tu karalouta  cheujakat süpüla nashajitnüin na wayuu achuntakana shia jee müsia tu karalouta kettainjatkat akaje süma nashajitnüinjanain na wayuu kepiakana sa'aka alijuna (zona urbana). Müleka ayatüle mojuin sukuaipa tu karalouta  manüikimaajatükat, na wayuu aikalakana süpüla akuiapa makatkaa tía naakapüna na wayuukana napushua nayainjana ashajitka joo na wayuu kanüikikana sulu'u tü karaloutakat sulu'u joo tü karalouta sünüliamajatükat mma jee shipiapa wayuu sulu'u Colonpia (censo) münakat


CRÉDITOS TEXTO
CRÉDITOS AUDIO