CREOLE
Di Council ah State welkom yuu tu fi wi websait, weh yo kian fain informieshan bout wi work, wi impuortant disishan ahn hou fi akses tu di sorvis shanil.
Wii waant yuu fi nuo tu, who wii, how wii du di jab ahn weh wii de, inah di ginarl struktio a juztis.
Ina Colombia, di judisiari gat 3 mien ahtariti:
Di Constitutional Court weh rispansibl fi di difenz ah di Political Constitution, di Supreme Court ah Justice weh riviu seh di akshans, bisniz anh bihievia bituiin pipl rispek di ligal norms, ahn di State Council weh ha two impuortant fongshans:
-Fi advais di President ah di Republic ahn di ministas dem wen deh gat dout bout di aplikashan ah uwan norm our bailaa.
-Fi verifai seh aal govament ahtariti, sosh az di Police, di Army, di Regional Autonomous Corporations, di National Registry ah Civil Status. Amoun meni adas, fulfil dem fongshans ina di rait wei.
Di State Council dah di uwan weh joge di ahtaritis weh ripresent di govament.
Di State Council gat 31 magistriets, 4 ah dem da kounsela ahn di president ah di Republic an di ministas, ahn 27 magistriets da di joge weh joge fi dem akshan.
Fi di Council ah State saalv ah prablm weh uah citizn gat, uah public ahtariti hafi mek uah demaan uor uus popula our gruup akshan laik “tutela”, weh dem kian prisent wid di help a di Ombudsman's Office.
Di Council ah State de deh fi aal di citizn sorviz ah dem gat som ruuls weh spesifai wat kian fix ahn wat fi go to ada joge.
Di State Council ruul alredi inah kiesis rilietid tu indiginos ahn afro komuuniti fi du amoun ada tings, protek di teritoriz kansida az di ansestral sail ah di etnik komuuniti, fi aada priivios kansoltieshan wih di riprizentativs ah di indiginos komuunits, ahn fi luk uova di ilekshan ah deh riprizentiv inah di Congress ah di Republic
Yo kian also go tu di State Council wen yo hah kansarns uor prablms wid a stiet entity, fi wii jurisprudens kian bii kansoltid unlain ahn fi wii sorvis shanils dem alwies redi fi provaid di informieshan yo riquah.