YUKUNA

YUKUNA

Weka purakaloji lana’kejami nakoje we’pejeño, ajalakaño ika, amakaloje eya ikulakaloje papera chuwa meke wajapaka, meke nakaje yuriko we’chuka’la, rika nakuja weka iñate a’kana watakana naku iwatajika kewa.
Ñake kaja wawataka weko ya’takana, naka weka, meke wala’ka wajapaka’la wayurikare eya meke wayuriko puraka’loji lama’tajeño richuawano chuwa wa’te.
Re colombia te’re naku wejikele neka wakara’ño wani puraka’loji naku we’pikana:
Neka inau’kena mejñataño papera lana’kejami ina i’makare palamane Constitucion política, neka inau’kena amaño e wala’ka papera chu kemaka ke.
Eya weka, iyama nakaje naku, wa’a wani wanakojo.

  1. Weka kemaño merewaka colombianona i’makana (presidente) eya riwa’tejena (ministros) japakajla pala rile’je inau’kena wate, uka chu naeepila pala mekeka puraka’loji au japakana.
  2. Nama kaja mekeka neka inau’kena wamatajeño, surarana, polichiyana, registraduriana kaje maka la’ka pala najapaka’la papera kemaka chuwa.

Weka kaja wajaño neka inau’kena ina piyano i’makaño (gobierno).

Marikele weka japaño: wejikele inau’ke le’je eya pajluwaja (31). Pa’ukele wanakiyana kemaño merewaka colombianona i’makana (presidente) eya riwa’tejena (ministros) japakajla pala rile’je inau’kena wate.

Eya iyama inau’ke iyama kuwa’ta kele (27) wajaño ukachu nala’la richuwano kakaje papera kemaka ke.

Walama’takaloje piyukeja puraka’loji kapaño eya uka japalaño le’je wa’to. Puraka’loji lama’takana jacho’koloje pala richuwano, mari chuwa rila’kana papera la’kekami kemaka ke (tutelas, accion popular o de grupo) re kaja neka inau’ke ina mejñatajeño mawemi wate Defensoría del pueblo.

Inau’ke loje japajeño weka iwatajika kewa, ei’yonaja re nakaje uka mekela’je wala’lare, uka wamalare wa’te, ree ajopaña inau’ke ñakaje penaje i’makaño.

CREDITOS TEXTO
Nordeliz Tanimuca
CREDITOS AUDIO
José David Yucuna
CREDITOS FOTOS
Ronald Kubeo

Deja un comentario

Tu dirección de correo electrónico no será publicada.