Consejo de estado ja juañ akzaldiñga mipana ni gu nauwiji página web nakbalde shalda, ai na nauwiji jiba, ji aklde akze guakalde, ekibeñgana saki zuñkazguagakue  shalda mikzaldaldixa. 

Ekibeñgana me kalde, saki jiba katshixa, saldiñga sanexa se akldenek miya  

Kizhuka mikwashekuakualdixa. 

Jai Colombiak guiyaba guaxa maigua sañkalda aklde akzekue akizhuka: 

Corte Constitucionaljañki constitución política za ikualka, 

Corte Suprema de Justiciajañki jika atshiji izhogakuauxa be atsha, jika neñshakuamak, kagubagaba ishkaldaldakuamak, guiyaba naldiñga nekue axabetsi izhogakue za tuñka, guatshake Consejo de Estadoki mozhua jiba akze axalde: 

1. Presidente de la republica na, aji ministro axakyokuekue na guiyaba atshal guagakuauxabe guaxaldiamak aksanexaldixa.  
2. Saldinga sañkalda sanekakue, policía, ejercito, Corporaciones Autónomas Regionales, Registraduría Nacional del Estado Civil, Saldinga nekue jiba atshakue kagatsahamak atshatuka tualdixa. 

Consejo de Estadoja na saldinga sañkalda sanekakue agatse azhi agatsaldazhe tuwi izhuka. 

Consejo de Estadokki  31 magistrados izhuka, 4 nekueki presidente, ministro axakyokuekue aksanexaldixa, guatshake 27 magistradokuejañki Sañkaldakue atshatuka za tuwi izhukakue 

Consejo de Estado ja ezua nashitshi kaxa se agauwaldiamake ezua sañkalda kualdi ne ja  ezua demanda azhi acciones de tutela, atshakue, ai atshexañki defensoría del pueblo yo atshaka. 

Consejo de Estadoki saldiñga nashikue agaunexaldixa nuka, eki atshaldiamake  

guiyaba jiaga muldetua agasezheklde nuka, mieldeki se agauwaka, mieldeki  

Axautshija axezhagaka sezheklde nuka. 

Consejo de Estadoja kagaba shalda, aji kagi abamakuexaga zhinikga aji agatseklde agikualdaldiamak shaldaki guak guane. Ji gaba atshexañ, axañga kagabatshi sañkaldakue aklduka atshal guaxaldixa, ekibeñgana Sañkaldakue congreso de la república xa Kakzukuaxaldixa ishkakuxanekuejiaga tiuwi izhoxaldixa. 

Ji gaba mikualdana mikzexaldiake Consejo de Estadok akldukamildaka, azhi 

ezua sañkalda na kaxa mixaldaldiake, nauwiji guiyaba shalda izukandana  

Mikzexaldiake amak migaunegakualdiamak jana zhiktuñkalde za nogakualdixa