PIAPOCO
Yai yerika wali yai iwiteizezi kayaberika iwawalikazawia manuiziwata wanerikaza tzaii imakateika web. Wanakataipinaka yai takaizika iwawakuterikawa iri yai wainaidanakawa yewanapina wade wabanuakani irikuba yai nemiakatabapinakani.
Yewanapinaza waliakawa kaiyeinakalinia.
Kainakanamiza namanika yai nazu ibaidakalezikawa tzaii nayakataikaf niai itzuniayaika iyakei wawazika kayaberika.
Tzai inata yai colombiaka idenieri maiziba yaluzi yaziwanaka ikerika iyaka yai ikakanawaka nainaidaka iwali yai nazu ibaidakalezikawa abeda yai ikakanawaka nabaluakawa napitza niai weneikanaika ibaideyeika iriku yai iwitaizezi yaluka ideniakateika putzeiba iwitana takaizika katzaininamerika itzuliaca.
- Wadeniakateitanakai takaizi waimanapina iri yai ewita presidente zairika waitzani.
- Napitzamitawaniai yazunai wenaikanaika, kamikali naliapina nakalidakei yai ikakanawapina nayaka niai wenaiwikanaika.
Naikakatainayaka makaita niai gobierno yazu wenaiwikanaika, nabaluakataikawa madekanaka iwitana uwika iwawakuteyeipina yebaidakei naimanakata natzuliakania, iwali yai naibaideripinaka.
Yai iwitaizezi yaluka yata ikeri nawaliniai ibaideyeika gobierno yapitza.
Neze yataniwa iwitaizezi yaluka nadeniaza 31 namanubaka ipideneriza magistrado ideniarika katzainiri wawazika makai itzata.
Bainuaka namanubaka niai yazunaika yai presidenteka ikuerika yai paizka 27 nakai niai nazukaniai ipideneyeikaza magistrado katzainiyai yazu wawazi makai itzata yewanapina natzuniaka yazu wawaziyai wenaiwikaka kamirika yepuada nali yai nazuteika gobierno neze yewatanakai natanika napitza niai ibaideyeikka wenewikanai ipidena iwali “defensoría del pueblo” yai iwiteizezi makai weneiwikanai iripinerita iyaka nadeniakatai nakawa yai natzulianapinaka nayaka niai wenaiwika tzana pina yai iwawakuterika nepuadaka naliniai aibanai yaluanaka.
Ya takaizikei kaweniritanakai naliniai kamiyeika wawaiminai nazu kali iwaliwa nayakatabakatekawa ketzami.
Iwawakuta nawakaidakaniai comunidad iminanaika yewana pina namanika yai ipidenerika consulta previa napitza, kaitanakai iwawakataka naikaka iwali yai naukerika iwali congreso nerepinerika ibaidaka napitzale niai wenewikanaika.
Yewatanakai wakuta naitza wawazi niai ibaideyeika kayaberi iwitaizezi yalu iriku yewanapina watzuniaka yai bawerika wawazika aibanai weneiwikanai ideniarika yapitzawaka.
Inakena iyayai wabanuakatabapina yai takaizika, makai weneiwika yemiakatenani.